Први дел: морфологија на глагол

Добре дојде на страницата!

Оваа страница ги покрива содржините од продолжителниот степен на изучување на латинскиот јазик. Според Наставната програма по латински јазик за IV година од гимназиско образование, предвидени се следниве граматички области:

1. Морфологија на глагол во која се опфатени можни глаголски начини познати како конјунктиви, глаголите со неправилно спрегање како што се сите сложенки на помошниот глагол sum, esse, fui, глаголите volo (посакувам), nolo (не посакувам), malo (претпочитам), fero (носам) и eo (одам), одложни и полуодложни глаголи.

2. Синтакса на глаголско име, за да се запознаеш со безличните глаголски облици супин и инфинитив и соединувањето на инфинитивот со номинативот и со акузативот во засебни конструкции и независниот склоп на аблативот со имиња и партиципи наречен апсолутен аблатив.

3. Синтакса на падеж, за да ги разликуваш различните подвидови на падежи и нивната функција во една реченица.

4. Синтакса на реченица, со воведна содржина и со сложувањето на времињата (consecutio temporum). 

Покрај објасненијата за градење на облиците, знаењата можеш да ги обновиш и увежбуваш со редица на прашања и задачи дадени во последните слајдови на дигиталната содржина.

Сите делови од содржините се движат со ползување на долниот алатник. Притискајќи на стрелката надесно напредуваш во слајдовите или ги додаваш деловите од слајдот, додека притискајќи на стрелката налево се враќаш во прегледаните слајдови или ги одземаш деловите од слајдот.

Ако притиснеш на копчето во облик на квадрат со испрекинати линии, го увеличуваш размерот на дигиталната содржина.

По желба, врската до дигиталната содржина можеш да ја споделиш некому за да му покажеш што учиш или да му помогнеш во олеснување на учењето или на неговите студии по латински јазик. Можеш дигиталната содржина да ја споделиш и на некоја друштвена мрежа (Фејсбук, Твитер...), така што со твојата препорака ми помагаш во промовирање на блог-порталот Mythos и на латинскиот јазик. Копчето за споделување се наоѓа на десната страна на алатникот, обележано со црвена стрелка, а изборниот назив за споделување е напишан на англиски јазик Share, обоен во жолт обележувач.

Содржините ти се бесплатни за употреба, така што секоја добра намера да го препорачаш Mythos како отворен образовен ресурс е скапоцен прилог кон класичната наука. Ја имаш мојата неизмерна благодарност!

ПРЕПОРАКА ОД АВТОРОТ:

Ако твојот прелистувач не го прикажува изворниот македонскиот фонт SkolaSansCnOffc на кој се изготвени презентациите вчитувајќи некој друг системски фонт како замена, тогаш задолжително ти препорачувам да ги преземеш и инсталираш четирите формати на твојот компјутер за да избегнеш изместувања од рамки и погрешна големина кои се јавуваат како последица на вчитан системски фонт.

Фонтот SkolaSansCnOffc е авторски во сопственост на македонскиот типограф Ласко Џуроски. Преземи ги сите четири формати за инсталирање.

Редовен: SkolaSansCnOffc-Regular

Редовен-накосен: SkolaSansCnOffc-RegularItalic

Задебелен: SkolaSansCnOffc-Bold

Задебелен-накосен: SkolaSansCnOffc-BoldItalic

Откако ќе заврши целиот процес на инсталирање, престартувај го прелистувачот за да провериш дали се вчитува новиот фонт во дигиталните содржини или, ако нема промена во форматот на фонтот, престартувај го системот.

За обработка на содржините ја консултирав стручната литература од следните автори:

1. В. Димовска, М. Бузалковска-Алексова, М. Чешларов, Е. Џукеска, Liber Latinus I, Алби, Скопје, 2003.

2. В. Димовска, М. Чешларов, Liber Latinus II, Алби, Скопје, 2002.

3. Љ. Басотова, Учебник по латински јазик за II година Latine Discimus, Просветно дело АД, Скопје, 2002.

4. В. Димовска-Јањатова, С. Кочовска-Стевовиќ, Vestibulum Latinitatis (Grammatica) учебник по предметот Латински јазик, продолжителен курс, Филозофски факултет, Скопје, 2017.

5. В. Димовска-Јањатова, С. Кочовска-Стевовиќ, Vestibulum Latinitatis (Lectiones et pensa) практикум по предметот Латински јазик, продолжителен курс, Филозофски факултет, Скопје, 2019.

6. Х. Ерберг, Lingua Latina Per Se Illustrata, Pars I Familia Romana, Domus Latina, Гренаа (Данска), 2003. 

7. Х. Ерберг, Lingua Latina Per Se Illustrata, Pars II Roma Aeterna, Domus Latina, Гренаа (Данска), 2003.

МОЖЕН ГЛАГОЛСКИ НАЧИН ОД ПРЕЗЕНТСКА, ПЕРФЕКТНА И СУПИНСКА ОСНОВА. ОДЛОЖНИ И ПОЛУОДЛОЖНИ ГЛАГОЛИ.

1. Конјунктив на глаголи од презентска основа (актив и пасив) и кај помошниот глагол sum, esse, fui (преземи PDF датотека)

2. Конјунктив на глаголи од перфектна основа (актив) и кај помошниот глагол sum, esse, fui (преземи PDF датотека)

3. Конјунктив на глаголи од супинска основа (пасив) (преземи PDF датотека)

4. Одложни и полуодложни глаголи (преземи PDF датотека)